မနက်ဖန် ဆိတ်သားချက်မယ်ဆိုပြီး ခဲထားတဲ့ ဆိတ်သားကို ရေခဲသေတ္တာထဲက သွားထုတ်ရင်းက ဖားအံဆေးရုံကို သတိရသွားတယ်။
ယောက်ျားလုပ်သူက ဆေးရုံမှာ လူနာတွေနဲ့ ပါတ်သက်လာရင် သူဘာလုပ်လုပ် အိမ်ကမိန်းမက မသိတာများတယ် လူနာတွေ ဆေးရုံကဆင်းလို့ အိမ်ကိုရောက်ရောက်လာမှ သူဘာလုပ်ထားလဲဆိုတာ သိရတာမျိုးပါ။
ဒီနေ့လဲ အိမ်ပဲရှေ့ဆီက ဟဲ ဟဲ ဟဲ (ဆိတ်အော်သံ)လေး ကြားလိုက်တယ်
အလို အိမ်ရှေ့မှာ လင်မယား၂ယောက်ပါလား လက်ထဲမှာလဲ ကလေးပေါက်စလေးချီလို့ ဆိတ်ကြီးတကောင်လဲ လက်ကဆွဲလို့ပါလား။
ဟေ့ နင့်အိမ်ခြံစည်းရိုးတံခါး လာဖွင့်အုံးလေ့ (ဧည့်သည်)
အော် ဟုတ် ဟုတ် လာပါပြီ လာပါပြီ။
ဆိတ်ကြီးနဲ့ ဘာလုပ်မလို့လဲဟင်
နင့်ကို ဆိတ်တစ်ကောင် လာပေးတာ (ဧည့်သည်)
ဟယ် ဘာလုပ်ဖို့လဲ ကျမက ဆိတ်ဆိုရင် ဝှေ့တတ်လို့ ကြောက်တယ်
ပြီးတော့ ဘာလုပ်ဖို့ လာပေးတာလဲ
မေးခွန်းတွေ ဆက်တိုက်မေးလို့လဲ ပြီးရော
အေးဟယ် နင့် ယောက်ျားက ဆေးရုံမှာ ငါ့ကို ခလေးမွေးပေးတယ်
ရိုးရိုးမမွေးနိူင်လို့ အရေးပေါ် ခွဲမွေးရမယ်ဆိုတော့ ငါ့မှာပိုက်ဆံ မရှိဘူးပြောတာ သူက ရတယ် ကျနော်ပေးမယ်ဆိုပြီး ခွဲမွေးပေးလိုက်တယ်တဲ့။
ဆေးရုံက ဆင်းတော့လဲ တစ်လစာ အားဆေးနဲ့ အနာအတွက်ဆေးတွေ ၀ယ်ပေးလိုက်တယ် အဲဒါကြောင့် ကျေးဇူးတင်လို့ လာကန်တော့တာတဲ့။
ဟီး ဟီး ပြန်ယူသွားနော် ကျမ ဆိတ်မမွေးရဲဘူး ကြောက်တယ်ဆိုပြီး ပြောလိုက်တော့
ယူထားပါ ဆိတ်နို့ညှစ်သောက် ဆိတ်သေသွားရင် ဆိတ်သား ချက်စားတဲ့။
ငို၍ရီ၍ မရသော မျက်နှာလေးနဲ့ တောင်းတောင်းပန်ပန်လေး ပြောကာ ဆိတ်ကလေးကို ပြန်ပေးရင်း
အဝေးကြီးက လာရတာ ဗိုက်ဆာနေမယ်ထင်တယ်လို့ ပြောလိုက်တော့
အေး ဆရာမရယ် ဗိုက်ဆာတယ်တဲ့
သူတို့ ဗိုက်ဆာတယ် ဆိုတာနဲ့ ထမင်းကရောသောပါးချက် ရှိဟင်းနဲ့ ထမင်းကျွေးပြီး အပြန်လမ်းမှာ ဆာရင်စားဖို့ ထမင်းနဲ့ရေဗူးပါ ပြန်ထည့်ပေးကာ ဆိတ်ကလေးကို အတင်းပြန်ပေးလိုက်ရတဲ့ အဖြစ်။
တကယ်ကို အမှတ်ရစရာကောင်းတဲ့ ၀န်ထမ်းဘဝလေး ပြန်တွေးရင် ပီတိဖြစ်ရတယ် ကုသိုလ်တွေလဲ ရခဲ့တယ်။
No comments:
Post a Comment