Facebook ဆိုတာ တကယ်တမ်းကျတော့ လူတယောက်ရဲ့ အခွင့်အရေးကို အပြည့်အ၀ ယူထားတဲ့ နေရာလေး တစ်နေရာဖြစ်ပြီး ရေးချင်တာရေး တင်ချင်တာချင် နောက်ဆုံးတော့ ဝါသနာတူသူလေး စုသွားတတ်ကြပါတယ်။
ဒါပေမဲ့ ဘုန်းဘုန်းတွေလဲ face book သုံးကြတယ် ပူရိဿလေးတွေလဲ သုံးကြတယ် အဖိုအရွယ် အဖွားကြီးတွေနဲ့ အလန်းဇယားလေးတွေလဲ သုံးကြတယ် မနုဿမျိုးစုံပေါ့။
ကိုယ်တင်ချင်တာ တင်မယ်ဆိုပြီး အခွင့်အရေး အပြည့်အ၀ ယူထားသူတွေက ကိုယ့်အသားအရည်တွေ ဖော်ဖော်ပြပြီး တင်ကြတယ် အဲဒီတော့ ဘုန်းဘုန်းတွေ ပူရိဿတွေအတွက် မသင့်တော်ဘူးလို့ မထင်မိကြဘူးလား။
ဒါ ဒို့ကျားကျားလေ ဒို့ကျားကျားက ဒီနေ့ ဒို့ကို ဘာ၀ယ်ကျွေးတယ် ဒီနေ့ ကျားကျားနဲ့ ဘယ်သွားကြတယ် လင်တော်မောင်က သိပ်ချစ်ဖို့ကောင်းတာ ဆိုပြီး လင်တော်မောင်ကို ဘေးမှာထားပြီး တင်တတ်တဲ့ ပျိုမဒီလေးတွေ အန်တီကြီးတွေက ကိုယ့်လင်တော်မောင်တွေ အတွက်ရော ဆိုးရိမ်စိတ်လေးတွေ မဖြစ်မိကြဘူးလား။
ဒီနေ့တော့ ကိုယ့်မမကြီးက ဘယ်ရှော့ပင်းမောလ်မှာ ချိန်းထားတယ် လိုချင်တာ ၀ယ်ပေးမယ်တဲ့ ခနနေရင် ကိုယ့်စကစ်လေးက ကိုယ့်ကို ကိုယ်လိုချင်တာ ၀ယ်ပေးမယ်ဆိုပြီး ချိန်းထားတယ် သွားလိုက်အုံးမယ်ညှော်ဆိုပြီး ဖဘကြီးကို ခုတုံးလုပ်ကာ သိက္ခာတွေ အတုံးလိုက် အတစ်လိုက် ကျအောင် လုပ်သွားတဲ့ ပူရိဿကြီး ပူရိဿလးတွေ ကရော ကိုယ့်ဂုဏ်အတွက်ထည့်ပြီး မစဉ်းစားကြတော့ဘူးလား။
Facebook မှာ ဆင်ဖမ်းမယ် ကျားဖမ်းမယ်ဆိုတဲ့ သူတွေက များသားဂလား အလွှာပေါင်းစုံ သုံးနေတဲ့ နေရာလေး ဆိုတော့ကာ
ဘဘကြီးဆိုတဲ့သူတွေ ဦးဦးဆိုတဲ့သူတွေ ကိုကိုကြီးဆိုတဲ့သူတွေ မောင်လေးဆိုတဲ့သူတွေအတွက် အန္တရာယ်တွေက များလွန်းပါတယ်။
ကြီးမေကြီး ကြီးမေလေးဆိုတဲ့သူတွေ ဒေါ်ဒေါ်ကြီး ဒေါ်ဒေါ်လေးဆိုတဲသူတွေ မမကြီး အမကြီး ညီမလေးဆိုသူတွေအတွက် အားလုံးသော အန္တရာယ်တွေက များလွန်းလှပါတယ်။
ဒါကြောင့်မို့ Facebook ကြီးကို ကြည့်ကျက်ပြီး သုံးသင့်တယ်လို့ ထင်ပါတယ် face book မှာ အတင်ကောင်းလို့ ဘိန်းမောင်းတီးသံတွေ ကြားနေရတော့ ဘယ်သူမှ မကယ်နိူင်တဲ့အတွက် သတိပြုကြစေချင်ပါတယ်။
အားလုံးဘဲ အနေအထိုင်လေးတွေ ဆင်ဆင်ချင်ချင် နေကြပါလို့ ပြောကြားရင်း ပန်းကလေးတွေလို ထာဝရ လန်းဆန်းကြပါစေ။
မာမာလွင်
၁၁။၈။၁၈
