တားဆီး ပိတ်ပင်ထားတဲ့ ကြားက
တိုးထွက် စီးကျလာတဲ့ မျက်ရည်တစ်စက်
အဲဒီမျက်ရည် တစ်ပေါက်ကျလေတိုင်း
ငါဟာ အရှုံးကြီး ရှုံးနိမ့်ခဲ့ရတာပါဘဲ။
နင်ဟာ မာနနဲ့အတ္တကို အဖော်ပြု
မာနကိုလက်မှာစွဲ အတ္တကိုလမ်းခင်း
အမြဲတမ်း ရဲရဲကြီးကြီး နင်းချေသွားတတ်တဲ့ သူတဲ့။
နင်ထင်သလို မဟုတ်ဘဲ
အဲဒီ မာနရဲ့အောက်မှာ ငါကျဆုံးနေခဲ့တာ
ကြာနေပါပြီ ဒါတွေကို နင်မှမသိဘဲ။
တစ်ခါတစ်ရံမှာ နင်ပေးခဲ့တဲ့ စိတ်အရောင်
ချဉ်ပေါင်ရိုးရောင် ခပ်ရင့်ရင့်က ငါ့ရင်ထဲကိုစူးရှ
ငါ့ရဲ့အသဲကို တလွှာခြင်းတလွှာခြင်း
ခပ်ပါးပါး လွှာကာချနေ သလိုပါဘဲ။
ငါ့ ရင်ထဲ အဲဒီ စိတ်အရောင် ရောက်ချိန်
ငါ့ နှစ်လုံးသားထဲမှာ ခြောက်သွေ့ကွဲအက်
သွေးကြောတွေ ပျက်သုဉ်းခဲ့ရတာ
နင်က မြင်မှ မမြင်ခဲ့တာဘဲ။
ငါဟာ လမ်းပျောက်ခဲ့သူ
ငါဟာ ရှုံးနိမ့်ခဲ့သူ
ငါဟာ ဟိုးအဝေးကို ထွက်ခွာသွားရမဲ့သူ
ငါဟာ အရာရာအားလုံးကို စွန့်ရတော့မဲ့သူ။
ငါဟာ တစ်ကြိမ်လောက်တော့ အောင်နိုင်ဖူးချင်သူ
ငါ့ ဘ၀သမိုင်း မရိုင်းရအောင်
နင် ခနခနပြောတဲ့ မာနနဲ့အတ္တကို ရောလို့
ငါ့ လက်မှာ တင်းတင်းဆုပ်ကာ
အဲဒီအလံကို ငါကိုယ်တိုင်
နင့်ရဲ့ နှစ်လုံးသားမှာ
အမှတ်တရ ကမ္ဘာဖြစ်အောင်
ထိုးစိုက် လွှင့်ထူခဲ့မှာပါ။
အဲဒီအချိန်မှာ အရှုံးတွေထဲက ရအောင်ရုန်းထွက်ရင်း
ငါက နင်ပြောသလို အောင်နိုင်သူကြီးပေါ့။
Mar Mar Lwin (Tuu Mar)
11:07 PM
21.4.2014