အခုရက်ထဲ Sydney မှာ ဖြစ်သွားတဲ့ ပြသနာကလဲ ပူနွေးနေတုံး အချိန်မှာ
အိမ်ကို ပါဆယ် အထုတ်ကြီးတစ်ထုတ် နေ့လည်က ရောက်လာလို့ ကျမလက်ခံပြီး ယူထားလိုက်တယ်။
ကလေးတွေ အဖေနံမည်နဲ့ဆိုတော့ သူလာမှ ဖောက်ပစေပေါ့နော် အိမ်မှာက ဘာစာ ဘာပစ္စည်းလာလာ ကိုယ့်ပစ္စည်း ကိုယ့်နံမည်မဟုတ်ရင် ဘယ်သူကမှ ဖောက်မကြည့်တတ်တဲ့ စည်းကမ်းလေးတွေ ရှိပါတယ်။
ဒါပေမဲ့ သမီးနဲ့၂ယောက် အထုတ်ကြီးကို ကြည့်ပြီး ဝေဖန်လေကန်တာလေးတော့ လုပ်ကြတာပေါ့နော် ဟဲ့ နင့်အဖေက ပစ္စည်း၀ယ်ရင် တကဲ့အကောင်းစားမှ ၀ယ်တာတွေ့လား ဒါကြီးက တကဲ့နံမည်ကြီးတံဆိပ် နံမည်ကြီးဆိုင်က ပို့ထားတာ ဘာညာပေါ့။
သမီးကတော့ သူ့အဖေကြိုက်လို့မှာတဲ့ ပစ္စည်းမို့ ဘာမှထွေလီကာလီ ၀င်မပြောတော့ဘဲ အမေပြောသမျှ နားထောင်နေတယ်။
ညနေရောက်တော့ အဖေလုပ်သူ အလုပ်ကပြန်လာပါပြီ သူ့စားပွဲပေါ်က အထုတ်ကြီးကိုကြည့်ပြီး ခပ်ဝေးဝေးကနေ စာကိုဖတ်နေတယ် ၁၀မိနစ်လောက်ကြာတဲ့အထိ စကားမပြောဘဲ မတ်တပ်ကြီးရပ် အထုတ်ကြီးကိုကြည့်ပြီး ပါ့ပါ့နံမည်နဲ့ ပါ့ပါ့လဲ ဘာမှ မမှာထားဘူးတဲ့။
သူပြောမှ သားအမိ၂ယောက်လဲ တယောက်မျက်နှာ တယောက်ကြည့်ပြီး သို့လော သို့လောဖြစ်ရပါလေရော တအောင့်လောက်နေတော့ ပါ့ပါ့ ဘာမှမ၀ယ်ထားဘူးတဲ့ ဗုံးများဖြစ်နေမလား ပြောရုံရှိသေး သမီးသေးလေး ထွက်ပြေးလိုက်တာ အိမ်နောက်ဖက် အပေါက်ကို လှစ်ခနဲဆို ရောက်သွားတယ်။
ကျမလဲ ဗုံးလို့ဆိုလိုက်တာနဲ့ ကျမသူငယ်ချင်း သူ့အိမ်မှာ စာအိတ်ဗုံးပေါက်လို့ တစစီလိုက်ကောက်လိုက်ရတဲ့ အဖြစ်ကို ပြန်မြင်ပြီး ထွက်ပြေးလိုက်တာ အထုတ်ကြီးနဲ့ ကလေးတွေ အဖေဘဲ အိမ်ထဲမှာ ကျန်နေခဲ့ချိန်။
ဖုန်းသံကမြည်လာလို့ ကြည့်လိုက်တော့ သားကြီးဆီက ဖုန်းဖြစ်နေတယ် သူ့ကိုပြန်ပြီး ဖုန်းပြန်ပြောတော့ မေမေရေ သားသား ဖေဖေ့မွေးနေ့အတွက် မွေးနေ့လက်ဆောင် ပို့ထားတယ်တဲ့ ရောက်ပြီလားတဲ့ ဖေဖေ အံ့အားသင့်အောင်ကြိုပြီး မပြောဘဲ ပို့လိုက်တာပါတဲ့လေ။
သူ၀ယ်တဲ့ ဆိုင်နံမည်ပြောတော့မှ ငိုအားထက်ရယ်အားသန် ရယ်လိုက်ရတာဆိုတာ ပြောမနေပါနဲ့တော့ တိုက်ဆိုင်လိုက်ပုံများ ပြောပါတယ် တခနအတွင်းမှာဘဲ အထိတ်ထိတ် အလန့်လန့်တွေ ဖြစ်လိုက်ကြရပြီး အကြောင်းအကျိုး သိလိုက်ရပြန်တော့ ရယ်လိုက်ရတာ ဖတ်ဖတ်ကို မောလို့ 😀. 😀. :-D
No comments:
Post a Comment