Facebook ကိုကြည့်ရတာ တခါတလေ ကျမတို့ မြောင်းတကာရွာက နွားပွဲဈေးလိုဘဲ အကောင်းတွေရော အဆိုးတွေပါ လိုချင်တာတွေ အကုန်ရတတ်ပါတယ်။
တိုက်ကြီး တံမြက်စည်းဆိုပြီး တဗျန်းဗျန်းရိုက်ပြီး အော်ရောင်းနေတွေ တာကြည့်မလား။
၃ထည်တစ်ထောင် ၃ထည်တစ်ထောင်ဆိုပြီး အော်အော်ရောင်းနေတဲ့ ဘေထုတ်အထည်တွေ ကြည့်မလား။
မလိုချင်တော့လို့ ပြန်ရောင်းတဲ့ အိမ်အသုံးအဆောင်တွေ ကြည့်မလား။
ကော်ဇလုံ၂လုံးကို တဂွမ်းဂွမ်းရိုက်ပြီး တစ်လုံး၂၀၀ တစ်လုံး၂၀၀ ခိုင်တယ်ခန့်တယ်ဆိုပြီး အော်လိုက် ရိုက်လိုက်နဲ့ လုပ်နေရင်းက တစ်လုံးက ဂျွတ်ကနဲများ ကွဲသွားရင်
ကွဲသွားတဲ့ ဇလုံတစ်ုံတစ်လုံးကို ဒီလိုကွဲရင် ဒီလိုလွှင့်ပလိုက်တယ် ကောင်းတာကိုဘဲ ယူဆိုပြီး ရောင်းနေတာ ကြည့်မလား။
အညာကလာတဲ့ မကျီးထန်းလျှက်နဲ့ ကရေကရာလေးတွေလဲ ပါသေးတာဘဲ။
ဒါတွေက သူတို့ရဲ့ မိသားစု စား၀တ်နေရေးအတွက် မလုပ်မဖြစ် လုပ်ရတာမို့လို့ ကောင်းသော ရောင်း၀ယ်ခြင်းပါ။
ဒီကြားထဲ တနလာင်္နွားပွဲကို လာတဲ့ ယစ်ထုတ်ကြီးတွေအတွက် ယမကာ ဂျန်းဂဲလ်နဲ့ ထန်းရည်ဆိုင်လေး လဲရှိပါသေးရဲ့။
ဒါကလဲ နှစ်သက်လို့ သောက်ကြတာ သောက်လို့ ရပါသေးတယ်။
ပိုဆိုးတာက လာရောင်းတဲ့ နွားတွေထဲ နွားသိုးခပ်ဆိုးဆိုးသာ ပါလာလို့ကတော့ ကြိုးပြတ်ပြီး တကွင်းလုံး လှည့်မွှေလိုက်ရင် နွားပွဲတစ်ခုလုံး ဖုန်တစ်သောသောနဲ့ ပြေးသူပြေး ဖမ်းသူဖမ်းနဲ့ ပွဲကဆူပါလေရော။
အခုလဲ ဒီ facebook ထဲမှာ နွားသိုးလို မွှေတတ်တဲ့ တစ်ယောက်ယောက်များ ပါလာခဲ့ရင်တေ့ စိတ်ညစ်စရာတွေ ဖုံတောထဲ အသက်ရှူလို့ မ၀တာတော့ အမှန်ပါဘဲ။
ကျန်တာတွေက စကားအဖြစ် ရေးသွားတာနော် ဘယ်သူ့ကိုမှ မရည်ရွယ်သလို ဘယ်သူ့ကိုမှလဲ အခင်အမင် မပျက်ပါဘူး ရေးချင်တဲ့ စာရဲ့လိုရင်းကိုရောက်အောင် ပို့နိူင်ဖို့ အတွက်သာ ရေးရေားခြင်းသာဖြစ်ပါတယ်။
ကျမဆိုလိုချင်တာက နွားသိုးကြိုးပြတ်သွားတာ တစ်ခုပါဘဲ။
ကျမရေးသမျှစာကို ကော်ပီလုပ်ပြီး လူတစ်ယောက်ကို သွားသွားပြ ပြီးတော့ သူသွားပြတဲ့လူကို အဲဒါ သူ့ကိုရေးတာပါဆိုပြီး သွေးတွေ သွားသွားထိုးပြီး ရန်တိုက်ပေးသလိုတွေ လုပ်တတ်တဲ့ သူကိုဘဲ ရည်ရွယ်ပါတယ်။
အခုတော့ သူပြောသမျှ သူလုပ်သမျှဟာတွေ ကျမပြန်သိရတော့ သူဟာပွဲပျက်အောင်ဖျက်တဲ့ နွားသိုးကြီးတစ်ကောင်ကို ဖြစ်လို့ပေါ့လေ။
နွားသိုးဆိုတာ ပေါ်စားလဲ မကောင်း မွေးထားလဲ မနိုင်မို့လို့ ဘယ်သူကမှ မလိုချင်ကြတဲ့ ဂုဏ်ပုဒ်ကို ပိုင်ဆိုင်ထားသူပါ။
No comments:
Post a Comment