မိခင်ဘဝ

ကျမ မိခင်ဘဝ ရောက်သောအခါမှာ

အမေဆိုတာ အရာရာကို သားသမီးအတွက် ပေးဆပ်ချင်ကြသလို

ကောင်းမွန်တာတွေနဲ့ဘဲ ကြုံစေချင်တဲ့ ဆန္ဒတွေ ရှိတယ်ဆိုတာ

ပိုပြီ‌နားလည် လာခဲ့ပါတယ်။

သားနဲ့သမီးကို ဘာသာတရား ကိုင်းရှိုင်းပြီး

အနန္တောအန္တ ငါးပါးကို အမြဲတမ်း ရိုသေလေးစားတတ်တဲ့ သူ‌လေးတွေ ဖြစ်စေချင်ခဲ့မိတယ်။

ဒီအချက်မှာ သူတို့ရဲ့ လုပ်ဆောင်ချက်က ကျမအတွက် စိတ်ချမ်းသာစေခဲ့တယ်

ကျန်းမာခြင်း သုခဆိုတာကိုလဲ သူတို့ကို အမြဲတမ်း ရယူစေချင်ခဲ့မိတယ်

ဒီအချက်ကတော့ ခန္ဓာရလာရင် ဝေဒနာဆိုတာ ရှိလာတာမို့ ကျမလောဘ သိပ်မကြီးရဲခဲ့ပါဘူး။

အောင်မြင်ပြီး ထွန်းတောက်တဲ့ ဘဝလေးတွေကို သူတို့အတွက် ဖြစ်စေချင်ခဲ့မိတယ်

ဒီအချက်လေးကိုလဲ မိဘအလိုကျ သူတို့စွမ်းဆောင်နိုင်ခဲ့ကြပါတယ။်

ရလာတဲ့ သူတို့ရဲ့ခန္ဓာကိုယ်ကို သူတို့တွေ ကောင်းစွာထိမ်းသိမ်း စောင့်ရှောက်နိုင်ဖို့

အမြဲတမ်း မိခင်တယောက် အနေနဲ့ ဆုတောင်းပေးနေမိတယ်။

ဒီအချက်အတွက်ကိုလဲ ကျမတို့မိဘတွေက အမြဲမပြတ် သတိရှိစေခဲ့တဲ့အတွက်

သူတို့လေးတွေကလဲ ကောင်းစွာထိမ်းသိမ်း နိုင်ခဲ့ကြပါတယ်။

ဒါတွေအပြင်

ဘယ်သောအခါမှ သူတို့ရဲ့ဘဝကို ပေါ့ပေါ့တန်တန် မဖြတ်သန်းစေချင်ခဲ့မိပါဘူး

သူတို့ရဲ့ ဘဝလေးတွေကို အမြဲတမ်း ဖြောင့်ဖြူးနေစေချင်ခဲ့မိတယ်။

အခက်အခဲဆိုတာ ကြုံလာရင်လဲ ကြန့်ခိုင်တဲ့ စိတ်ဓါတ်တွေနဲ့ ကျော်ဖြတ်နိုင်ဖို့

အမေတယောက် အနေနဲ့ အမြဲတမ်း ဆုတောင်းပေးနေမိတယ်။

ပျော့ညံ့တဲ့ စိတ်ဓါတ်ပိုင်ရှင်တွေ မဖြစ်စေချင်ဘူး

သန်မာထက်မြက်တဲ့ စိတ်ဓါတ်ပိုင်ရှင်လေးတွေ ဖြစ်စေချင်ခဲ့တယ်။

သူတို့ဘဝတွေအတွက် အရှုံးဆိုတာတွေနဲ့ မတွေ့စေချင်ဘူး

အရာရာကို အောင်မြင်မှုတွေနဲ့ဘဲ ကြုံစေချင်ခဲ့တယ်။

*အရာရာဟာ ပြီးပြည့်စုံတယ်ဆိုတာ မရှိနိုင်ပေမဲ့

အမေတစ်ယောက်ရဲ့ လောဘနဲ့ ဒီစာကို ရေးလိုက်ခြင်း မျှသာပါ*

မာမာလွင်

10:54 AM

4/06/2013