ပြည့်ဝပါစေ

ငါမွေးဖွားရာ ပြည်မြန်မာမှာ

ငါဧ။်အဖေ ငါဧ။်အမေ

ရှိနေသော်လည်း ငါသည် ခွဲခွာလာမိသည်။

ငါကြီးပျင်းရာ ငါ့ရဲ့မြေမှာ

ညီရင်းအစ်ကို မောင်ရင်းနှစ်မ

ရှိနေကြလည်း ငါသည် ချန်ရစ်ထားခဲ့မိသည်။

ငါနေခဲ့ရာ အမိရွာမှာလည်း

ဆွေမျိုးသားချင်း ညီနောင်ရင်းတို့

ကျန်ရစ်သော်လည်း ငါသည် နုတ်မဆက်ဘဲ ထွက်၍ခွာကာ လာခဲ့မိသည်။

အတိတ်ကံစေရာ

ထားရာမှာနေ စေရာကိုသွား

ကျရာမှာနေ။

ဒီဘဝဒီမျှ

ရှိသမျှ ဝဋ်ကြွေးကုန်ပါစေ

နာင်ဘဝဆိုတာ ရှိများရှိခဲ့ရင်

ငါ့တိုင်းငါ့ပြည် ငါ့အမိမြေမှာ အိုအောင်မင်းအောင် နေရပါစေ။

ငါသည် မြန်မာပီသစွာဖြင့်

ဆုမွန်ချွေသည် ငါတောင်းသည့်ဆု ပြည့်ဝပါစေ။

Mar Mar Lwin
2/&/2013

တမ်းတနေမိသူ

ဒီနေ့မှ ထူးထူးခြားခြား သတိတွေ ရနေတာ မဟုတ်ဘဲ  နေ့တိုင်းလိုလို ကျမသတိရနေတတ်တဲ့ သူတစ်ယောက် ရှိခဲ့ပါတယ် သူကတော့ ကျမတို့ အရမ်းချစ်ရတဲ့ အမေ့ရဲ့ အစ်မအကြီးဆုံးပါ။

ဒီနေ့က ကျမရဲ့မွေးနေ့ပါ  မွေးနေ့မှာ အဖေနဲ့အမေ့ဆီကို ဖုန်းဆက်ဖြစ်ပါတယ် အဖေနဲ့အမေ နေထိုင်ကောင်း ကြတယ်ဆိုတာ သိရတော့ အရမ်းကိုလဲ စိတ်ချမ်းသာခဲ့ရပါတယ် အဖေနဲ့အမေ့ကို ဖုန်းထဲကနေဘဲ ကန်တော့လိုက်ပြီး အမေနဲ့အဖေတို့ပေးတဲ့ဆုတွေကို တစ်သီကြီး ယူလိုက်မိပါတယ်။

ပြီးတဲ့အခါမှာတော့ ကွယ်လွန်သွားပြီဖြစ်တဲ့ ကျမရဲ့အဖွားနဲ့ကြီးကြီးကို စိတ်ထဲကနေမှန်းပြီ းကန်တော့ပါတယ် သူတို့ပေးတဲ့ ဆုတွေကိုကျမ မကြားနိူင်ပေမဲ့ စိတ်ထဲကရည်မှန်းပြီးဘဲ ယူလိုက်မိပါတယ်။

ကျမအတွက်တော့ သူတို့နှစ်ယောက်က အမြဲစောင့်ရှောက်နေတယ်လို့ ခံစားနေရတဲ့ ကျမမှာ ဘာစိတ်ညစ်စရာတွေဘဲရှိရှိ သူတို့နှစ်ယောက်ကို စိတ်ထဲက ရည်မှန်းပြီး တိုင်တည်လိုက်ရင် အမြဲတမ်း အဆင်ပြေသွားတတ်တာတွေက ကျမအတွက် သက်သေတွေ ရှိနေလို့ပါ။

ကျမက အမေ့ရဲ့အမေနဲ့ အစ်မအကြီးဆုံးရဲ့လက်ထဲမှာ ကြီးခဲ့ရတာမို့ အဖွားနဲ့ကြီးကြီးက ဘယ်သောအခါမှ ကျမကို မေ့ထားမှာ မဟုတ်ဘူးဆိုတာလဲ သိနေတဲ့အတွက် ကျမရဲ့ အခက်အခဲတွေကို တိုင်တည်မိတာလဲ ကျမမမှားဘူးလို့ ထင်ခဲ့မိပါတယ်။

ကြီးကြီးက အပျိုကြီးပီပီ စည်းကမ်းကြီးပါတယ် သူ့ရဲ့စည်းကမ်းအောက်မှာ နေခဲ့ရတဲ့ ကျမတို့တွေက ကြီးကြီးလို ဘာကိုမဆို ခေါက်ရိုးကျနေခဲ့တာကလဲ ဆန်းမယ်မထင်ပါဘူးရှင် ကျမတို့မောင်နှစ်မ ငါးယောက်လုံးဟာ အဖေအမေ ဝန်ထမ်းတွေရဲ့သားသမီးတွေမို့ အဖွားရယ် ကြီးကြီးအပျိုကြီးနဲ့ အကူအဖော်တွေနဲ့နေခဲ့ရတာ များပါတယ်။

အဖွားက လေဖြတ်ထားလို့ လမ်းမလျှောက်နိူင်ပေမဲ့  ကျမတို့မောင်နှစ်မငါးယောက်စလုံးကို သူကိုယ်တိုင် နို့ဘူးဖျော်ပြီး တိုက်ခဲ့တာပါ သန့်ရှင်းသပ်ရပ်လွန်းတဲ့ အဖွားဟာ မိုးလင်းတာနဲ့ ကလေးတွေ အစာအတွက် ဓါတ်ဘူးလေးငါးလုံးနဲ့ အလုပ်တွေရှုပ်နေတတ်တာ ကျမတို့ရဲ့ ငယ်ပုံရိပ်တွေမှာ မေ့မရတဲ့ အရာတစ်ခုပါ

လေဖြတ်ထားလို့ လမ်းမလျှောက်နိုင်ပေမဲ့ အဖွားရဲ့သန်စွမ်းနေတဲ့ လက်ချောင်းလေးနဲ့ ဖျော်တဲ့နို့ဗူးကို သောက်ပြီးကျမတို့မောင်နှစ်မတွေ အားတွေပြည့်ခဲ့ရတာပါ။

ကျမ၇တန်းနှစ်မှာအဖွားဆုံးသွားပါတယ် အဖွားဆုံးတော့ကျမတို့မောင်နှစ်မတွေရဲ့တာဝန်ကိုကြီးကြီးက ယူခဲ့ပြန်ပါတယ် ကြီးကြီးလက်ပေါ်မှာကြီးခဲ့တဲ့ကျမကသမီးမိန်းကလေးအကြီးဆုံးမို့ ကြီးကြီးသွားလေရာ ပါတတ်ပါတယ်။

ကြီးကြီးခြံထဲသွားရင်ပါတတ်သလို ဘုရားသွားကျောင်းတက်ရင်လဲရင်လဲပါတတ်ခဲ့ပါတယ်

အိပ်ရင်လဲကြီးကြီးနဲ့ဘဲအတူတူအိပ်ခဲ့ပါတယ် ကြီးကြီးကကျမအတွက်အိပ်ယာဝင်ပုံပြင်များကို မရိုးနိူင်အောင်ပြောပြတတ်သူလဲဖြစ်ပါတယ်။

မနက်တစ်ခါ ညနေတစ်ခါ ဘုရားရှိခိုး တတ်အောင်လဲ ငယ်ငယ်ကတည်းက သင်ပေးခဲ့ပြီးဘုရား တရား သံဃာ မိဘ ဆရာသမားတို့ကို မမေ့မလျှော့အောင်လဲ သင်ပေးခဲ့သူတွေ ဖြစ်ပါတယ်။

လူကြီးမိဘတွေကို ရိုသေတတ်အောင် ငယ်ရွယ်သူတွေကို ကူညီတတ်အောင်လဲ သွန်သင်တတ်ခဲ့တဲ့ သူတွေကြားမှာ ကြီးပြင်းခဲ့တဲ့ သူတွေပါ။

တူ တူမတွေအတွက် လိုလေသေး မရှိခဲ့တဲ့ ကြီးကြီးကို ကျမတို့ တစ်နေ့မှ မမေ့ခဲ့ပါဘူး ကျမတို့ အနားမှာ အမြဲတမ်း ရှိနေစေချင်ခဲ့ပြီ းအမြဲတမ်းလဲ လိုအပ်နေခဲ့သလို ခံစားရပါတယ် သူမရှိတော့ပေမဲ့ သူ့ရဲ့အိပ်ယာဝင်ပုံပြင်တွေက ဒီနေ့ထိ ကျမကို လွှမ်းမိုးထားနိုင်တုံးပါ။

အာရုံဆွမ်းအတွက် မနက်မနက် ဆွမ်းထချက်ရင် ဘယ်တော့မှ ကျမတို့ကို သူဘက်က ဘယ်သူထ ဘယ်ဝါထပါ လို့မနိုးပေမဲ့ ကြီးကြီးရဲ့အအိပ်ကြီးသောသူ အစားကြီးသောသူ သူများကျွန်မျိုးနဲ့တူလို့ ကြီးကြီးဆိုလိုက်တာနဲ့ သူ့ကိုဝိုင်းကူဖို့ အိပ်ယာကနေ ငေါက်ကနဲ ထထိုင်ပြီး မီးဖိုဆောင်ရှိရာကို လှမ်းခဲ့ရတဲ့နေ့တွေကလဲ ကျမတို့အတွက် အမှတ်အရဆုံးသော ကြီးကြီးရဲ့ ပညာသားပါပါ အိပ်ယာက နိုးခြင်းလေးတစ်ခုကတော့ အမှတ်ရစရာလေး တစ်ခုပါဘဲ။

ဒါပေမဲ့လဲ ကြီးကြီးဟာ သူ့ကိုကျမအမြဲတမ်း လိုအပ်နေမှန်းသိရက်နဲ့ ကျမအသက်၃၁နှစ်မှာ သူ ကျမတို့မောင်နှစ်မတွေကို အပြီးအပိုင် နူတ်မဆက်ဘဲနဲ့ ခွဲသွားခဲ့ပါတော့တယ်။

Mar Mar Lwin
12/3/2011

ေပ်ာ္ရႊင္ဖြယ္ရာ ေမြးေန႔

မွေးနေ့

ဒီနေ့မှာ ကျရောက်တဲ့ မွေးနေ့

ချစ်သမီးရဲ့ 

မွေးနေ့နော်။

ယနေ့ယခု 

မွေးနေ့ချိန်ခါမှစလို့

စိတ်ချမ်းသာပြီး 

ကိုယ်ကျန်းမာပါစေ။

ယခုမှစလို့

လိုအင်ဆန္ဒ 

တစ်လုံးတစ်ဝ 

ပြည့်ပါစေ။

ဒီအချိန်ကစပြီး

ဘာသာသာသနာအကျိုး 

ထမ်းပိုးဆောင်ရွက်နိုင်ပါစေ။

ရက်မြတ်ချိန်ခါမှစလို့

ထက်မြက်ထူးချွန်တဲ့ 

သမီးလေးဖြစ်ပါစေ။

မွေးနေ့အစပြုလို့

ဘုရားတရားသံယာ ဆရာသမား 

မိဘဘိုးဖွားအပေါ် 

သိတတ်နားလည်တဲ့ 

သမီလေး ဖြစ်ပါစေ..။

Mar Mar Lwin
2/5/2013

အောင်မြင်မှု သရဖူ့ ချစ်သမီးလေး

အောင်မြင်မှု သရဖူနဲ့ ချစ်သမီး

သူမ

ဖြူစင်ဝင်းလက် တောက်ပနေတဲ့ သူ့မျက်နှာလေး

ကျမအတွက်  အရမ်းဘဲ သူလှနေခဲ့တယ်

ဒီနေ့မှာဘဲ သူ့ကိုကျမ မွေးဖွားသန့်စင်ခဲ့တာပေါ့။

ရှစ်ပေါင်ခွဲဆိုတဲ့ ခန္ဓာကိုယ်နဲ့

ပြည့်ဝလွန်းတဲ့ အားတွေကိုယူုပြီး

သူကျမဆီကို ရောက်လာခဲ့တာပေါ့။

ဒီသတ္တ ကမ္ဘာကြီးထဲမှာ

အဆိုးနဲ့အကောင်းကို ရဲရဲဝံ့ဝံ့နဲ့

ဖြေရှင်း ရင်ဆိုင်နိုင်ရမယ်ဆိုတဲ့

စိတ်ဓါတ် ခွန်အားတွေယူပြီး

ကမ္ဘာမြေကြီးပေါ်ကို ခြေချလာတဲ့နေ့လေးပေါ့။

ရင်ဆိုင်လိုက်ပါ ချစ်သမီး

ဖြေရှင်းလိုက်ပါ ချစ်သမီး

ဒါမှ အရာရာဟာ သမီးအတွက်

အောင်မြင်မှု သရဖူဆိုတာ ဆောင်းလို့ရမှာပါ ချစ်သမီး။

Mar Mar Lwin
2/5/2013

သူမအတွက် လောရဲ့ နိယာမ

                                             

သူမအတွက် လောကရဲ့နိယာမ

သူမဟာ ကျမဘဝထဲကို ရောက်လာခဲ့တာ

ဒီနေ့ဆို ဆယ်စုနှစ်နှစ်ခုထဲကို ရောက်လာခဲ့ပြန်ပါပြီ/

လူတွေရဲ့ ဓလေ့စရိုက် စုံတွေကြားထဲမှာ

သူမနေထိုင် ကျင်လည်ခဲ့ရတာတွေလဲ

ဆယ်စုနှစ် နှစ်ခုနီးနီးပါး ရှိသွားခဲ့ပြီပေါ့။

လူ့လောကရဲ့ ဆိုးမွေကောင်းမွေ

အချို အခါးတွေကိုလဲ

သူအများကြီး ရခဲ့ပြီးလောက်ရောပေါ့။

အရောင်စုံတဲ့ လူ့လောကကြီးက

သူ့ကို လောကဓါတ် ပညာတွေလဲ

တော်တော်လေး သင်ပေးပြီးလောက်ရောပေါ့။

ဒီလိုဘဲ သမီး

လောကဓံရဲ့ အရိုက်အပုတ်ကို

ခံရပါများလေ ဘဝရောစိတ်ပါ

ရင့်ကျက်လာလေလေပါဘဲ။

ကောင်းတာတွေ့ရင် စံကြရပြီး

မကောင်းတာတွေ့ရင် ခံကြရတာဘဲလေ

လာကရဲ့ နိယာမဘဲကိုး။

အချိုက မြိုချရ လွယ်သလောက်

အခါးက မြိုချရ ခက်ပါတယ်

ဒါပေမဲ့ အဲဒီအခါးရဲ့ အနောက်မှာ

ချိုမြမြလေး ကပ်ပါလာတတ်ပါတယ်။

ဒါကြောင့်မို့လို့ ချိုချိုခါးခါး

အကောင်းဘက်ကတွေးပြီး  ကောင်းမွန်စွာနဲ့

မြိုချတတ်ပါစေ သမီးလေး။

Mar Mar Lwin
1/5/2013

ချစ်သမီးသို့

                               

ချစ်သမီးသို့

ကိုးလလွယ်ကာ ဆယ်လမှာ ဖွားခဲ့ရတဲ့သမီး

ဒီနေ့ဟာ သမီးရဲ့ မွေးနေ့

လူ့လောကကြီးထဲကို စတင်ဝင်ရောက်လာတဲ့နေ့ပေါ့။

မျက်စေ့စုံမှိတ်ပြီး အကောင်းအဆိုးတွေကို

ရင်ဆိုင်မယ်ဆိုပြီး ကမ္ဘာမြေ လောကကြီးထဲကို

ကျန်းမာခြင်းသုခ ပြည့်စုံစွာနဲ့ ရောက်လာတဲ့နေ့ပေါ့။

အမေကတော့ သိပ်ပျော်ခဲ့တယ်သမီး

သမီးက အမေ့ရဲ့အား

သမီးက အမေ့ရဲ့အဖော်

သမီးက အမေ့ရဲ့ တိုးတိုးဖော်လေးပေါ့။

ငယ်ငယ်လေးထဲက ထက်မြက်တဲ့သမီး

အခုထိလဲ ထက်မြက်နေဆဲ

နောင်မှာလဲ ထူးချွန်ထက်မြက်ပါစေလို့

အမေကတော့ နေ့စဉ်နေ့တိုင်း ဆုမွန်ချွေလျှက်ပေါ့။

မွေးနေ့မှာ စိတ်နဲ့ဆန္ဒ

တစ်ထပ်ထဲ ကျရောက်ပါစေ

မွးနေ့မှသည် နှစ်ပေါင်းများစွာ

ပျော်ရွှင်နိုင်ပါစေ။

ရှေ့ရှောက် စိတ်ချမ်းသာ ကိုယ်ကျန်းမာစွာနဲ့

သမီးဘဝလေး ညိမ်းအေးစွာ

နေထိုင်နိုင်ပါစေ။

ချစ်ခြင်းများစွာဖြင့်

သမီးရဲ့အမေ

Mar Mar Lwin
1/5/2013

လာခြင်းကောင်းသော သမီးလေးဖြစ်ပါစေ

   

 

လာခြင်းကောင်းသော သမီးလေးဖြစ်ပါစေ 

ချစ်သမီး

လူ့လောကထဲကို မေမေခေါ်ဆောင်လာခဲ့တာ

မနက်ဖြန်ဆိုရင် ဆယ်စုနှစ် နှစ်ခုရဲ့ ပါတ်ဝန်းကျင်ထဲကို ရောက်လာခဲ့ပြီနော်။

မနက်ဖြန်ဆိုတဲ့ မဝေးတော့တဲ့ အချိန်လေးအတွင်းမှာ

သမီးလေးက လူ့လောကကြီးရဲ့အကြောင်းကို

ဘာမသိ ညာမသိနဲ့

ဆိုးဆိုး ကောင်းကောင်း

ဒီလမ်းကြီးကို လျှောက်ရဖို့ ရောက်လာတော့မှာပါ။

အဲဒီအချိန်တုံးက မေမေဘာတွေ တွေးနေခဲ့မယ် ထင်လဲသမီး

ဗိုက်ထဲမှာ သရိုးသရီ ဖြစ်လာပြီဆိုတော့

လူ့လောကထဲ ရောက်လာမဲ့ ကလေးလေး

သားလေးလား သမီးလေးလား ဆိုတာကို အရင်သိချင်ခဲ့တယ်။

ခြေလက်အင်္ဂါစုံရဲ့လား ဆိုတာလဲ သိချင်ခဲ့တယ်

ကျန်းကျန်းမာမာနဲ့ လူ့လောကကြီးထဲကို 

လာနိုင်ခဲ့ပါ့မလားလို့ တွေးနေခဲ့မိတယ်။

လူ့လောကထဲ ရောက်လာခဲ့ရင်ရော

ဘုရားတရားသံယာ မိဘနဲ့ဆရာသမားကို

ရိုသေလေးစားတဲ့ ကလေးဖြစ်လာပါ့မလား

ကျန်းမာပျော်ရွှင်ပြီး တက်ကြွနေတဲ့ ကလေးဖြစ်ပါ့မလား

လိမ္မာသိတတ်ပြီး ဖျတ်လတ်နေတဲ့ ကလေးဖြစ်ပါ့မလား

ကျောင်းနေပျော်ပြီး စာတော်တဲ့ ကလေးဖြစ်ပါ့မလား

တိုင်းပြည်နဲ့ လူမျိုးကိုချစ်တဲ့ ကလေးဖြစ်ပါ့မလား

အမျိုးဘာသာ သာသနာကို ထိမ်းသိမ်းနိုင်တဲ့ ကလေးဖြစ်ပါ့မလား

အရာရာအားလုံးကိုတွေးပြီး ပူခဲ့ရတဲ့ ဒီအချိန်လေးပေါ့။

နောက်ဆုံး ဆုတောင်းမိတာ တစ်ခုကတော့

အေမေရာ သမီးပါ

ကျန်းမာပျော်ရွှင် ဘေးအန္တရာယ် ကင်းစွာနဲ့

မွေးဖွားနိုင်ပါစေလို့ စိတ်ထဲမှာ တစ်ဖွဖွရွတ် နေမိတယ်သမီး

လူ့လောကကြီးအတွက်

လာခြင်းကောင်းသော ချစ်သမီးလေး ဖြစ်ပါစေလို့ ဆုတောင်းရင်းနဲ့

Mar Mar Lwin
1/5/2013

လမ်းလျှောက်ခြင်းရဲ့ ရလာဘ်ကောင်းလေးများ

ဒီနေ့သမီးလေးကို ကျောင်းပို့ပြီး ပြန်အလာ ကျမတစ်ယောက်ထဲ လမ်းလေျာက် ထွက်ဖြစ်ပါတယ် တိုက်နေတဲ့ လေက်နေတဲ့လေနုအေးအေးလေးကို ရှုရှိုက်ရင်း စိတ်လက်တော်တော်လေးပေါ့ပါးခဲ့ပါတယ် စိမ်းလန်းစိုပြေနေတဲ့သစ်ပင်ပန်းမန် ကျေးဌက်သာရကာတို့ကြောင့် အရာရာဟာတက်ကြွလန်းဆန်းဖွယ် ရာတွေဖြစ်ခဲ့ရပါတယ်။

အိမ်ထဲမှာခြည်းဘဲအချိန်တွေကုန်နေခဲ့တဲ့ကျမအတွက် ကျန်းမာရေးရောစိတ်ဓါတ်ရေးရာတွေပါ အားပြန်ဖြည့်ဖို့လိုအပ်နေခဲ့တာကိုယ့်ကိုကိုယ်သိနေပေမဲ့ ဘယ်ကိုမှမသွားဘဲအိမ်ထဲမှာဘဲအချိန်တွေဖြုံး ခဲ့မိတာအမှန်ပါ ဒါကြောင့်မို့ဒီနေ့တော့ကျမလမ်းလျှောက်လိုက်မိတယ်။

အိမ်ကနေဆယ်မိနစ်လောက်လျှောက်ရင်ရောက်နိူင်တဲ့တက္ကသိုလ်ကျောင်းဝင်းထဲကို ဘေးအန္တရာယ်ကင်း စွာနဲ့လမ်းလျှောက်ဖို့ဆုံးဖြတ်ပြီးထဲက ကျမခြေလှမ်းတွေအရင်ကထက်ပိုပြီးပေါ့ပါးသွားခဲ့လို့ထင်ခဲ့မိပါတယ် လမ်းတစ်လျှောက်မှာလတ်ဆတ်နေတဲ့လေတွေကိုဝအောင်ရှုရင်းစိတ်တွေကိုပေါ့အောင်နေလိုက်မိပါတယ်။

လေးဆယ်ကျော်ငါးဆယ်ဆိုတဲ့အသက်အပိုင်းအခြားအတွင်းမှာ အသက်အရွယ်ကြောင့်ခန္ဓာကိုယ်မှာလို အပ်လာတဲ့စိတ်ဓါတ်ရေးရာနဲ့ကျန်းမာရေးအတွက်လိုနေတာတွေကိုပြန်ဖြည့်ကြရမှာပါ သွေးလည်ပါတ် မှုကောင်းအောင် ထုံထိုင်းနေတဲ့အာရုံနဲ့အကြောတွေအတွက်သန်မာလာအောင်လမ်းလျှောက်ခြင်းကိုနေ့ စဉ်ပုံမှန်လုပ်ပေးသင့်ပါတယ်။

ကားလမ်းကူးပြီးကျောင်းဝင်းထဲရောက်တယ်ဆိုရင်ဘဲ သစ်ပင်ပန်းပင်ကြီးငယ်တို့ကြောင့် ပါတ်ဝန်းကျင် မှာရှိနေတဲ့လေထုကပိုပြီးလတ်ဆတ်လို့နေပါတယ် တတ္ကသိုလ်ကျောင်းဝင်းလို့ဆိုပေမဲ့လဲ ကျောင်းရဲ့ ပါတ်ဝန်းကျင်မှာသားပိုက်ကောင်အနည်းငယ်ရယ်ကျေးဌက်သာရကာတွေရယ်ဘဲတွေ့ရပြီး ကျောင်းသားအားလုံးဟာသူ့အဆောင်နဲ့သူအခန်းအပြင်မထွက်ကြဘဲစည်းကမ်းတစ်ကျစာသင်နေကြတဲ့အတွက်ကျောင်းသားတစ်ယောက်တစ်လေတောင်မှအပြင်မှာမတွေ့ကြရဘဲ တိတ်ဆိတ်လို့နေပါတယ်။

တိတ်ဆိတ်ငြိမ်သက်နေတဲ့ပါတ်ဝန်းကျင်မှာအရင်ဦးဆုံး ကျမရဲ့စိတ်ကိုပေါ့သွားအောင်ရှော့လိုက်မိပါတယ်

ပြီးတော့မှတစ်ဖြူးဖြူးညင်သာစွာတိုက်ခတ်နေတဲ့လေနုအေးလေးကိုကျမရဲ့အဆုတ်တွင်းကို အားရပါးရ ရှုရှိုက်လိုက်မိပါတော့တယ် အဆုတ်ထဲမှာလိုအပ်တဲ့လေဝလောက်ပြီဆိုတော့မှကျမလမ်းလျှောက်ခြင်းအမှု ကိုစတင်ပါတော့တယ်။

လမ်းလျှောက်နေတဲ့ကျမရဲ့ပါတ်ဝန်းကျင်မှာတော့ သန့်ရှင်းလတ်ဆတ်နေတဲ့လေနုအေးလေးတွေရှိပြီး မွှေးပျံ့တဲ့ပန်းတွေလဲရှိနေခဲ့တယ် လှပတဲ့ကျေးဌက်သာရကာလေးတွေလဲရှိနေတယ် လူယဉ်နေတဲ့ သားပိုက်ကောင်လေးတွေရှိနေခဲ့တယ် ပန်းဝတ်ရည်ချိုချိုလေးတွေကိုစားသုံးနေကြတဲ့ ပျား ပိတုံး လိပ်ပြာလေးတွေရှိနေခဲ့ပါတယ် ကြည်နူးဖွယ်ရာရှုခင်းလေးတွေပါ။

တစ်နာရီလောက်လျှောက်ပြီးပန်းပေါင်းစုံရနံ့ထုံတဲ့နေရာကိုရောက်တဲ့အခါမှာ ဟိုကြည့်ဒီကြည့်ကြည့်ရင်းက ပန်းမျိုးစုံအကြားမှာဌက် ပျား ပိတုံး လိပ်ပြာလေးတွေကိုကိုကြည့်ရင်းစိတ်ထဲမှာပျော်လာခဲ့မိတယ် ဝတ်ရည်ချိုချို ကိုသူတို့စားသုံးရင်းသူတို့တွေလေထဲမှာပျော်နေကြတယ် အတောင်တစ်ဖြတ်ဖြတ်ခတ်ရင်း လေဟုန်စီးလိုက် ဝတ်ရည်စုတ်လိုက်နဲ့သူတို့တွေပီတိသောမနသဖြစ်နေကြတာတွေ့ရတယ် အဲဒါတွေကို တွေ့ရတဲ့ကျမ သူတို့ရဲ့အပျော်ကကျမဆီကူးစက်လာပြီးကျမလဲပျော်ခဲ့ရတယ်။

နုဖတ်လှပနေတဲ့ပန်းလေးတွေကြောင့် ကျမရဲ့နွမ်းဖတ်ဖတ်စိတ်တွေပြန်လည်လန်းဆန်းခဲ့ရတယ် ရဲရဲနီစွေးပန်းတွေတွေ့ပြန်တော့ကျမရဲ့စိတ်တွေ တက်ကြွရွှင်လန်းခဲ့ရသလို ပန်းသွေးရောင်ခြယ်ပန်း လေးတွေတွေ့ပြန်တော့ နုပျိုခြင်းစိတ်တွေရလာခဲ့ပါတယ် ဖြူဖြူဖွေးဖွေးပန်းတွေတွေ့ပြန်တော့ညစ်ထေးနေတဲ့စိတ်တွေကိုချန်ထားခဲ့ပြီးဖြူစင်ခြင်းတွေဘဲရလာခဲ့ရပြန်ပါတယ် ဒီနေ့အဖို့ကျမပန်းတွေကြားမှာတော်     တော်လေးပျော်ခဲ့ရပါတယ်။

မြက်ခင်းစိမ်းစိမ်းထက်မှာမြက်နုချိုချိုတွေကိုစားရင်း ခုန်ပေါက်ပြေးလွှားနေတဲ့သားပိုက်ကောင်တစ်အုပ်က

ကျမရဲ့စိတ်ကိုဖြတ်လတ်တက်ကြွလာစေဖို့နုပျိုခွင့်ကိုလဲပေးခဲ့ပါသေးတယ် သူတို့တွေဟာတက်ကြွဖြတ် လတ်နေပြီးသွားလိုရာခရီးမှာ ရင်သွေးငယ်ကိုဝမ်းဗိုက်ထဲထဲ့ပြီးသယ်ဆောင်သွားတတ်တဲ့သူတို့ရဲ့သဘာဝ တရားလေးကကျမရဲ့သားနဲ့ သမီးအပေါ်ကိုပေးဆပ်ပြီးချစ်ရတဲ့အချစ်တွေအတွက်အရင်ကထက်ပိုသွားခဲ့ ရပါတော့တယ်။

သာယာနာပျော်ဖွယ်ကောင်းတဲ့ကျေးဌက်သာရကာတို့ရဲ့ သီချင်းဆိုတဲ့အသံတွေကြားထဲမှာပါ့ပေါ့ပါးပါးလေး လမ်းရှောက်ပေးသင့်လို့ကျမထင်မိပါတယ် ဘာလို့လဲဆိုတော့ကာတေးသီဌက်တို့ရဲ့အသံဟာ သဘာဝက မွေးထုတ်ပေးထားတဲ့အသံလေးတွေမို့ နားဆင်ရတာပဓါသအလွန်ရှိလွန်းနေပြီး ဒီတေးသီသံတွေက စိတ်ဓါတ်ရေးရာအတွက်နေ့သစ်အတွက်အားပြည့်လွယ်မဲ့ခွန်အားတွေဖြစ်လာမယ်လို့ ကျမယုံကြည်မိလို့ပါ။

ဒီလိုလွတ်လပ်ပေါ့ပါးတဲ့စိတ်ထားလေးရဖို့လိုတယ်ဆိုတာကို ကျမအသိနောက်ကျသလိုဖြစ်ခဲ့ရပေမဲ့ အတွေးစိတ်အစဉ်မှာဒီနေ့လမ်းလျှောက်ထွက်ရတာဟာ ကျမအတွက်အရမ်းအဖိုးတန်တဲ့နေ့လေးလဲဖြစ် ခဲ့ရပါတယ် နောက်ထပ်ရလာဘ်တစ်ခုကတော့လမ်းလျှောက်လိုက်ရလို့ထင်ပါတယ် တုံ့ဆိုင်းနေတဲ့ကျမရဲ့ ခန္ဓာကိုယ်ကအကြောတွေဟာပြေရော့ပေါ့ပါးသွားပြီးနေလို့တော်တော်ကောင်းသွားခဲ့ပါတယ် ကိုယ်ခန္ဓမှာလို အပ်နေတဲ့သန့်ရှင်းတဲ့လေတွေကိုရလိုက်လို့လိုက်ရလို့လဲကျမစိတ်ထဲအတော်လေးလန်းဆန်းသွားခဲ့ရပါတယ်

စိမ်းလန်းစိုပြေနေတဲ့သစ်ပင်ပန်းမန် တို့ကြောင့်စိတ်ဓါတ်ရေးရာတွေလဲတက်ကြွရွှင်လန်းစရာတွေဖြစ်ခဲ့ရ သလိုသဘာဝရဲ့အလှတရားတွေကြောင့် တော်တော်လေးလဲစိတ်ထဲမှာပေါ့ပါးခဲ့ရပါတယ်။

ဒီနေ့အဖို့တော့ကျမရဲ့စိတ်ရောလူရောကျန်းမာရေးကရာနူံးပြည့်ကောင်းတယ်လို့ဆိုရမဲ့နေ့လေးပါ လမ်းလျှောက်ဖို့စိတ်ကူးရလိုက်တဲ့ကိုယ့်ရဲ့အတွေးကိုလဲကိုယ့်ဘာသာကိုကျေးဇူးတွေတင်နေမိပါတယ်

ခန္ဓာကိုယ်ရောစိတ်ပါလန်းဆန်းခဲ့ရတဲ့အတွက် ဒီနေ့အတွက်ကျမအတွက်ရလိုက်တဲ့ ရလာဘ်ကတော့ ကျမအတွက်အသက်တစ်ရက်ပိုပြီးရှည်သွားခဲ့လို့ ထင်မိလိုက်ခြင်းပါဘဲ။

9/6/2011