ရယ်စရာလေး လာပြောတာပါ
အိမ်မှာ သားအမိ သားအဖ ၄ယောက်ရှိတာ သားက ငယ်ငယ်ထဲက စင်္ကာပူမှာနေတော့ သူက အမြဲတမ်း အဝေးမှာ ရှိနေတတ်ပြီး အမြဲတမ်းလိုလို မိဘအနားမှာ သမီးတစ်ယောက်ဘဲ ရှိနေတတ်ပါတယ်။
အဖေလုပ်သူက စကားကို ဘယ်တော့မှ အပိုတွေ ပြောလေ့မရှိသူ မိသားစုအပေါ် တာ၀န်ကျေအောင် အကုန်လုပ်ပေးတတ်ပြီး အားလပ်ချိန်မှာ သူ့ဘာသာသူ စာဖတ်ရင်ဖတ် သီချင်း နားထောင်ရင် နားထောင် နေတတ်သူ။
သားသမီးကို စည်းကမ်းတကျ ထားတတ်ပြီး အ၀တ်အစား အနေအထိုင် အပြောအဆိုကို အမေကတဆင့် သင်ကြားခိုင်းတတ်သူ။
အမေလုပ်သူ ကျမက သားသမီးကို အဖေပြောတာထက် ၁၀ဆလောက်ပိုပြီး ပြောပြတတ်သူ စည်းကမ်းအလွန်ကြီးသူ အစားအသောက်ကို ကိုယ်တိုင်ချက်ကျွေးရမှ ကျေနပ်သူ။
သားသမီး အ၀တ်အစား၀တ်ရင် မျက်စေ့ဒေါက်ထောက်ကြည့်ပြီး ပွစိပွစိပြောတတ်သူ အင်္ကျီလည်ပင်း မဆိုသလောက်လေး ဟိုက်တာ၀တ်ရင် နင့်အဖေ မကြိုက်ဖူးဆိုပြီး လူမိုက်ငှားကာ ပြောတတ်သူ။
ထိုင်တာကအစ ခြေထောက်ကို ဘယ်လိုထားပြန်ပြီ လက်ကို ဘယ်လိုနေပြန်ပြီဆိုပြီး ခရေစေ့တွင်းကျ ကြည့်ပြီး ပြောနေတတ်သူ။
ကိုယ်မှားခဲ့ဖူးတာတွေကို ဥပမာပေး နမူနာပေးပြီး ကိုယ့်လို မကြုံရအောင် ဆုံးမတတ်သူ အမြဲတမ်း ကိုယ့်ကိုကိုယ် ယောက်ျား အလုပ်သွားတာနဲ့ အိမ်မှာ ဘုရင်မကြီးလိုလို ဘာလိုလို သြဇာအာဏာကို အသားကုန်ပြတတ်သူ။
သားလုပ်သူကတော့ အဖေအမေ ဘာပြောပြော ဟုတ်ကဲ့ ဖေဖေ ဟုတ်ကဲ့မေမေဆိုပြီး လိမ္မာအောင် အမြဲနေတတ်သူ မိဘ ညီအကိုမောင်နှစ်မတွေကို အရမ်းချစ်သူ အပြစ်ပြောစရာမရှိအောင် နေထိုင်တတ်သူ။
သမီးကတော့ ငယ်ဂုဏ်လေးရယ် မိဘအလိုလိုက်တာရယ် အခံရဆုံးလူမို့ မဟုတ်မခံ စိတ်လေးတော့ ရှိတယ်လို့ ပြောရမဲ့သူ မှန်တယ်ထင်ရင် အဖေ အမေကလွဲပြီး ပြန်ပြောတတ်သူ အဖေကိုတော့ အင်မတန်ချစ်ပြီး ကြောက်လဲကြောက် အားလဲ အရမ်းအားထားသူ။
ရီစရာလေး စပါတော့မယ်
ညနေက အဖေလုပ်သူ အလုပ်က ပြန်လာလာခြင်း လေ့ကျင့်ခန်းလုပ်ပြီး စက်ဘီးပေါ်က ဆင်းလာတဲ့ သမီးကို ပေါင်ချိန်ခိုင်းပါလေရော
သမီးလုပ်သူကလဲ သူ့ကို ၀တယ်လို့ ပြောရင် တစက်လေးမှ မကြိုက်သူ ၀တယ်လို့ပြောလိုက်ရင် ပြန်မပြောရဲလို့သာ မပြောပေမဲ့ မျက်ရည်ကျိတ်ပြီး ကျတတ်သူ
ဖြစ်ချင်တော့ သူ့အဖေ ပေါင်ချိန်ခိုင်းစဉ် သူက လေ့ကျင့်ခန်း လုပ်နေလို့ မျက်မှန်မတပ်ထားလေတော့ စာလုံးတွေ ဘာမှမမြင်ရ ဖြစ်နေချိန်
တိုက်ဆိုင်ချင်တော့ ပေါင်ချိန်စက် ဘက္ကထရီကုန်နေလို့ နေ့လည်ကမှ အမေလုပ်သူက ဘက္ကထရီ လဲပေးထားချိန် ဘာကို မှားနှိပ်မိလေတယ် မသိ ပေါင်ချိန်စက်က ကီလိုနဲ့မပြဘဲ စတုန်နဲ့ ဖြစ်သွားချိန်
အဖေလုပ်သူက ပေါင်ချိန်စက်က ဂဏ္ဌန်းကို ကြည့်ပြီး (စတုန်ကြီး) ဖြစ်နေပြီ စတုန်ကြီး ဖြစ်နေပြီ ထပ်ခါထပ်ခါ ပြောလေတော့ သမီးလုပ်သူက အဖေကို ပြန်မပြောရဲလို့သာ ပေါင်ချိန်စက်ပေါ်က မဆင်းဘဲ မတ်တပ်ကြီး တွေတွေရပ်နေလေတော့ သူ စိတ်ကောက်ပြီဆိုတာ ကျမ သိလိုက်ပြီ။
အမေလုပ်သူ ကျမ စိတ်ထဲက ဘာကောက်ပြီး ရွတ်မိတယ်ထင်လဲ အမေ့သမီးလေးက အဖေနဲ့အမေကို ကောင်းသော စကားများသာ ဆိုပါစေ သုဂတော သုဂတော သုဂတော သုဂတော ထပ်ခါထပ်ခါ ရွတ်နေချိန်
ဟဲ့ မီးလေး ပေါင်ချိန်ဆက်ပေါ်က ဆင်းလေ ပေါင်ချိန်စက်က မှားနေတယ် ကီလိုနဲ့ မပြဘဲ စတုန်နဲ့ပြနေတယ် မှားနေတယ်တဲ့ 😀 😀
အော် ငါ့နှယ် သေသာသေလိုက်ချင်တော့တာပါဘဲ ကီလိုနဲ့စတုန် မှားတတ်ပေတယ် ရယ်လို့ဆိုပြီး ရီလိုက်ရတာ 😛 😛 😛
မှတ်ချက်
စတုန် = အယ်စတုန်လို့ ချက်ခြင်းကြီး အဓိပ္ပါယ်ကောက် ကောက်ချက်ချလိုက်ကြသူ သားအမိ။
No comments:
Post a Comment